اجتماعی ترماقلر فایده‌لنووچیلری‌نینگ خبر بېریشلریچه، طالبان 17- جدی یکشنبه آقشام بیر گروه عیاللرنینگ خیرخانه منطقه‌سیدن اوشلب آلگن.
اوشبو خبر اساسیده، طالبان بیر قطار عیاللرنی هوتل پروان-گولایی پارک یۉلیدن قۉلگه آلیب و بیر رنجر موتری گه مېندیریب اۉزلری بیلن آلیب کېتگن.
مذکور عیاللر نېگه و نیمه اوچون قۉلگه آلینگنی حقیده، معلومات یۉق.
شونینگدېک طالبان هم حاضرگچه بو توغریده فکر بېلدیرمه‌گن.
افغانستان‌ده طالبان قیته قدرت‌گه ایریشگنیدن کېین، خاتین-قیزلرنی تورلی عیبلاولر بیلن حبسگه آلینیشی کۉپه‌یگن.
عیاللردن کۉپینچه‌سی اېسه طالبان‌گه قرشی اعتراض قیلگنلری باعث اوشلب آلینه‌دیلر.
