16- جدی شنبه کونی شام چاغی، کابل غربی‌ده‌گی دشت برچی منطقه‌سیده یوزبېرگن پارتلش مسوولیتی‌نی، داعش گروهی بۉینیگه آلدی.
مذکور گروه‌نینگ ادعا قیلیشیچه، اوشبو پارتلش‌ده شیعه‌لردن 20 ته‌سی اۉلگن یا یره‌لنگن.
داعش گروهی‌نینگ ایتیشیچه، مذکور پارتلش «قه‌یېرده تاپسنگیز، اۉلدیرینگ» کمپاینی آقیمیده اویوشتیریلگن.
کابل‌ده طالبان قۉمندانلیگی سوزلاوچیسی خالد زدران‌نینگ ایتیشیچه، اوشبو پارتلش‌ده ایکّی کیشی اۉلیب و باشقه 14 کیشی اېسه یره‌لنگن.
افغانستان‌ده طالبان قیته قدرت گه ایریشگنیدن کېین، کابل غربیده جایلشگن دشت برچی منطقه‌سی نېچه مرته، قانلی هجوملرگه شاهد بۉلدی.
شونده‌ی بیرحالده، قویاش جاری ییل 16- عقرب شام چاغی، بیر کاستر موتر دشت برچی‌نینگ «مهتاب قلعه» منطقه‌سیده پارتلش گه دوچ کېلگن اېدی.
شونینگدیک مذکور آیده برچی‌نینگ «نانوایی» دوراغیده هم پارتلش یوزبېریب و نېچه کیشی‌نینگ اۉلیمی گه سبب بۉلدی.
