پاکستان‌نینگ خیبرپختون‌خوا ایالتیده یوزبېرگن بیر پارتلش عاقبتیده، مذکور مملکت حربیلریدن 5 ته‌سی هلاک و باشقه 22 کیشی اېسه یره‌لنگن.
اکسپرس تریبون تامانیدن ترقه‌تیلگن گزارش اساسیده، 8- جنوری دوشنبه کونی پاکستان پولیسی‌گه تېگیشلی بیر موتر خیبرپختون‌خوا ایالتی‌نینگ باجور منطقه‌سیده، پارتلش‌گه دوچ کېلگن.
اوشبو گزارش اساسیده، پولیس کوچلری پولیوگه قرش واکسین قیله‌دیگنلرنینگ خوفسیزلیگی‌نی تأمینلش اوچون یۉلده چیققن اېکن که اولرنینگ موتری پارتلش‌گه دوچ کېلگن.
پاکستان پولیسی سوزلاوچیسی‌گه کۉره، مذکور حادثه قربانیلری‌نینگ برچه‌سی اوشبو مملکت حربیلری دیر.
پارتلش مسوولیتی‌نی حاضرگچه هیچ بیر گروه بۉینیگه آلمه‌گن.
شونینگدېک یکشنبه 7- جنوری، پاکستان‌نینگ خیبرپختون‌خوا ایالتیده ناتانیش قوراللی کیشیلر یۉلاوچی تاشیدیگن ایکّی موترنی نشانگه آلیب، بیر عیال شامل تۉرت کیشی‌نی اۉلدیریب و باشقه اوچ کیشی‌نی اېسه یره‌لنتیرگن اېدی.
