افغانستان استراتیژیک تدقیقاتلر انستیتوتی آرقه‌لی «هرات کېچه‌سی» عنوانی آستیده یۉلگه قوییله‌دیگن ادبی ییغیلیش‌نی بنری‌ده، تیموریلر امپراتورلیگی اساسچی‌سی صاحب قران امیر تیمور نینگ لنگ دېب یازیلیشی، اجتماعی ترماقلر فایده‌لنووچیلری اینیقسه افغانستان اۉزبېک‌لری نینگ جدی تنقیدلری بیلن یوزمه‌یوز بۉلگن.
اجتماعی صحیفه‌لرده کۉپلب سیاست و مدنیت بۉییچه فعال‌لر افغانستان استراتیژیک تدقیقاتلر انستیتوتی نینگ بو قیلگن ایشی‌گه قرشی‌لیک کۉرسه‌تیب و بنرده‌گی صاحب قران امیر تیمورگه نسبت بېریلگن لقب اۉزگرتیریلیشی نی سۉره‌شگنلر.
اۉزبېک فعاللریدن قطاری، تیموریلر سلاله‌سی نینگ اساسچی‌سی امیر تیمور صاحب قران و اونینگ سلاله‌سی حاکمیتیده دنیا بۉیلب اینیقسه هرات‌ده بجریلگن اونملی مدنیت همده آبادان‌چیلیککه اشاره قیلیب و صاحب قران امیر تیمور نینگ بونده‌ی حقارت‌لی لقب بیلن ایسله‌نیشی، او و اونینگ باله‌لری تامانیدن قوریلگن تمدن‌گه ناشکرلیک دېب، معلوم قیلینگن.
دیمک صاحب قران امیر تیمور دنیا تاریخی اۉزیگه آز اوچره‌تکن جسور سرکرده و دولت اربابی اېدی و بو اولوغ کیشی‌نینگ حیاتی دوریده و اوندن کېین تیموریلر حاکمیتی آقمیده، آسیا نینگ کۉپلب قسمیده مدنیت و بیلیم بۉییچه اونملی ایشلر بجریلگن.
بو سلاله‌نینگ دوریده قوریلگن بنالر حاضرگچه هم تورلی مملکت‌لرده تاریخی میراث اوله‌راق، قدر بیریلیب کېلماقده.
بونگه قوشیمچه صاحب قران امیر تیمور اۉز حاکمیتی دوریده «کوچ عدالت‌ده» دېگن شعاری بیلن تاریخ بۉییچه نظیری بۉلمه‌گن عدالت‌لی بیر حاکمیت سوریب و شونینگدېک درباریده کۉپلب شاعرلر، قلم ارباب‌لری همده سوز اوستالری بها بیریلیب، تربیه‌لنگن.
ایتیش کېره‌ک، هرات حشمت‌لی تاریخی نینگ پارلاق دوری، تیموریلر حاکمیتی زمانیده نسبت بېریله‌دی.
