بیلیم یورت استادی و حقوق بیلیمی پروفیسوری عبدالعلی محمدی، افغانستان استراتیژیک تدقیقاتلر انستیتوتی آرقه‌لی «هرات کېچه‌سی» عنوانی آستیده یۉلگه قوییله‌دیگن ادبی ییغیلیش‌نی بنری‌ده، تیموری‌لر امپراتورلیگی اساسچی‌سی صاحب قران امیر تیمور نینگ لنگ دېب یازیلیشی‌گه عکس‌العمل کۉرسه‌تیب ایتیشیچه، شیوان ماهِندرا راجا نینگ هرات تاریخی حقیده یازگن کتابی، ناتوغری ترجمه اېتیلگن.
عبدالعلی محمدی‌گه کۉره، هرات تاریخی حقیده یازیلگن کتاب‌نینگ عنوانی « A History of Herat
from Chngiz Khan to Tamerlane» دیر که فارسچه ترجمه‌سی « هرات تاریخی چنگیزخان‌دن تیمورگچه» دیر.
جناب محمدی نینگ کۉپه‌یتیریشیچه، «لنگ» ترجمه قیلگن کیشی تامانیدن قوشیمچه قیلینگن بیر لقب دیر و بو کتاب‌نینگ ترجمه اېتیلگن نسخه‌سی، اونچه‌لیک ایشانچلی اېمس.
شونده‌ی بیرحالده، تیموری‌لر امپراتورلیگی اساسچی‌سی صاحب قران امیر تیمور نینگ لنگ لقبی بیلن ایسله‌نیشی افغانستان اۉزبېک‌لری نینگ جدی تنقیدلری بیلن یوزمه‌یوز بۉلیب و اولر بونینگ بابا و اجدادلریگه قرشی اهانت دېگنلر.
