افغانستان‌لیک بیر قطار اۉزبېک فعال‌لری و کدرلری ایران اسلامی جمهوریتی‌نینگ تشقی ایشلر وزیرلیگی‌گه آچیق بیر مکتوب یۉللب، بو مملکت‌ده افغانستان استراتیژیک تدقیقاتلر انستیتوتی تامانیدن، تیموری‌لر امپراتورلیگی اساسچی‌سی صاحب قران امیر تیمور نینگ اهانت قیلیش بیلن، یۉلگه قویه‌دیگن ادبی ییغیلیش‌نی، آلدی آلینیشی‌نی سۉره‌گنلر.
افغانستان اۉزبېک‌لری‌نینگ بو فعال‌لری تامانیدن ترقه‌تیلگن مذکور آچیق مکتوبده، بیر خلق‌نی ارزش‌لری و اۉتمیش‌لریگه اهانت اېتیلیش بیلن کوتاریلگن بو کبی آدیم‌لرنی، منطقه بۉیلب تینچ‌لیک و برقرارلیک تامین اېتیلیشی‌گه سلبی تاثیر قوییلیشی‌دن آگاه‌لنتیریلگن.
بو مکتوبده اۉزبېک فعال‌لری، افغانستان‌ده اۉزبېکلر و تُرکمن‌لرنی ییل‌لردن بویان محرومیت‌گه سقله‌نیشی‌گه اشاره قیلیب، ایران مملکتیدن بو ملیت‌لرنی ینگی نسل‌نی بابا و اجدادلریدن آلینگن حق‌لرینی قیته آلیش توغریسیده اولرنی قوللب-قوتلشی‌‌نی سۉره‌گنلر.
شونینگدېک بو مکتوبده، ایران پایتختی تهران شهریده افغانستان استراتیژیک تدقیقاتلر انستیتوتی تامانیدن یۉلگه قوییله‌دیگن مذکور ادبی ییغیلیشی‌گه تانیشتیریلیشی کوتیلگن کتاب، ناتوغری ترجمه اېتیلگنی بیلدیریلیب، بو خصوصده جدی بیر تېکشیروو اوتکزیلیشی اوستیگه تاکید ایتیلگن.
بونگه قوشیمچه، اولوس اجتماعی جمغرمه‌سی هم بیر مکتوب ترقه‌تیب، تورک دولت‌لری همده تورک‌لرنینگ سیاست و مدنیت بۉییچه فعال‌لریدن تورک دولت‌لری تشکیلاتی آرقه‌لی بو توغریده بیرلیک‌ده قرشی‌لیک بیلدیریب، تورک‌لرنینگ ارزش‌لری و فخرلی اوتمیش‌لریده‌گی حقیقت‌لر نظرگه توتیلمه‌ی اهانت قیلگن کیشیلر و نهادلر تورکی مملکت‌لر آرقه‌لی تحریم اېتیلیشی و بونده‌ی کیشیلر تورک مملکت‌لریگه کېریش‌لری تقیق‌لنیشی تکلیف اېتیلگن.
دیمک افغانستان استراتیژیک تدقیقاتلر انستیتوتی آرقه‌لی «هرات کېچه‌سی» عنوانی آستیده یۉلگه قوییله‌دیگن ادبی ییغیلیش‌نی بنری‌ده، تیموری‌لر امپراتورلیگی اساسچی‌سی صاحب قران امیر تیمور نینگ لنگ دېب یازیلیشی، افغانستان ا‌ۉزبېک‌لری تامانیدن قاره‌لنیب، جدی تنقیدلرنی اۉرته‌گه آلیب کېلدی.
بو تنقیدلر آرتیدن افغانستان استراتیژیک تدقیقاتلر انستیتوتی، بیر بیانات ترقه‌تیب بو توغریده آچیق‌لیق بېریش‌گه اولگوردی و بو بنرده‌گی یازووگه کتاب عنوانی کېریتیلگن دییش بیلن اونی کتاب یازووچیسی بۉینی‌گه تشلش‌گه سعی‌وحرکت قیلگن. بیراق کۉپلب یازووچیلر جمله‌دن افغانستان‌لیک تانیقلی بیلیم یورت استادی و حقوق بیلیمی پروفیسوری عبدالعلی محمدی بو خصوصده فکر بیلدیریب. ایتیشیچه، شیوان ماهِندرا راجا نینگ هرات تاریخی حقیده یازگن کتابی، فارسچه‌ده ناتوغری ترجمه اېتیلگن.
