محلی منبعلرنینگ معلوم قیلیش‌لریچه، کابل شهری‌نینگ غربیده جایلشگن دشت برچی منطقه‌سیده بیر پارتلش یوزبېرگن.
اولرنینگ کۉپه‌یتیریشلریچه، بوکون پنج‌شنبه 21- جدی توشدن کېین ساعت 3:10 اطرافیده دشت برچی منطقه‌سیده‌گی «برچی سنتر» برابریده بیر پارتلش یوزبېرگن.
محلی منبعلرگه کۉره، اوشبو پارتلش‌ده بیر نېچه کیشی قربان بۉلگن.
بیراق پارتلش قنده‌یلیگی و قربانلر سانی توغریسیده بیر معلومات قۉلگه یۉق.
شونده‌ی بیرحالده، بوکون اېرته‌لب ساعت 7:15 اطرافیده کابل شهری‌نینگ «پنجصد فامیلی» منطقه‌سیده‌گی ابومسلم خراسانی مسجدی یانیده هم بیر پارتلش یوزبېرگن اېدی.
اوشبو پارتلش پارتلش مسوولیتی‌نی آزادلیک جبهه‌سی بۉینیگه آلگن.
افغانستان آزادلیک جبهه‌سی نینگ اعلام قیلیشیچه، اوشبو جبهه حربیلری کابل‌ده طالبان جنگریلری‌نینگ موترینی نشان‌گه آلگن.
افغانستان آزادلیک بیر خبرنامه ترقه‌تیش بیلن، اوشبو هجوم‌ده اوچ طالب هلاک و باشقه ایکی طالب یره‌لنگنی‌نی بیلدیرگن.
مذکور جبهه‌نینگ بیاناتی اساسیده، طالبان حربیلری کابل شهریده اوشبو گروه‌نینگ «امر به معروف و نهی از منکر» ایشلاوچیلری همکارلیگی بیلن، قیزلرنینگ تانیب و قۉلگه آلیش اوچون قصد قیلگن اېکن که بو جبهه تامانیدن نشان‌گه آلینگن.
خبرنامه اساسیده، شونینگدېک اوشبو حادثه‌ده طالبان‌نینگ ایکی «رنجر» موتری هم تخریب بۉلگن.
