امریکا و بریتانیا جنگچیلری یمن پایتختی صنعا شهری و شونینگدېک حدیده، صعده و ضمار ولایتلریده حوثی‌لرگه تېگیشلی 10 حربی مرکزگه هوایی هجوم اویوشتیرگن.
الجزیره‌نینگ گزارشی اساسیده، حوثی‌لر رهبرلیگیده یمن تشقی ایشلر وزیری‌نینگ اۉرین‌باسری حسین‌العزی 12- جنوری جمعه کونی ایتیشیچه، اوشبو مملکت امریکالیک و بریتانیالیک جنگچی کېمه‌لر، ییر آستی کېمه‌لر و هوایی جنگچیلرنینگ کېنگ هجومی‌گه دوچ کېلگن.
العزی‌نینگ کۉپه‌یتیریشیچه: «شبهه‌سیز لندن و واشنگتن بو قیلگن اقداملری و تجاوزلری‌نینگ آغیر تاوانی‌نی بېریش اوچون تیار بۉلسین.»
عین حالده، امریکا جمهوررییسی جو بایدن مذکور هجوملرگه عکس‌العمل کۉرسه‌تیب ایتیشیچه، حوثی‌لر قیزیل دېنگیزده‌گی کېمه‌لرگه هجوم قیلگنی باعث، بونده‌ی بیر اقدام قیلینگن.
اونینگ اورغولشیچه، امریکا و اتفاقچیلری اۉز حربیلریگه هجوم قیلیش‌گه طاقت قیلمه‌یدی.
شونینگدېک بریتانیا هم اوشبو هجوملرنی تصدیقله‌گن.
امریکا جمهوررییسی‌گه کۉره، بوندن آلدین واشنگتن و 13 اتفاقچیسی بو هجوملر خصوصیده حوثی‌لرنی آگاه‌لنتیرگن اېدی.
مذکور هجوملر عاقبتیده قربان بۉلگنلر و احتمالی ضررلر حقیده حاضرگچه معلومات بېریلمه‌گن.
عین حالده، اوشبو هجوملر اۉرته شرق مملکتلری‌نینگ کېنگ عکس‌العمل‌لری بیلن یوزمه‌یوز بۉلگن.
