فلسطین ساغلیق نی سقلش وزیرلیگی‌نینگ اعلام قیلیشیچه، 100 کون بۉییچه اسراییل تامانیدن غزه‌ده اویوشتیریلگن هجوم‌لرده 10 مینگ‌دن آرتیق باله اۉلگن.
مذکور وزیرلیک 11- جنوری پنج‌شنبه کونی ایتیشیچه، مذکور هجوم‌لرده شونینگدېک مینگ‌لرچه کیشی آواره‌لر آستیده کۉمیلیب قالگن.
اسراییل هجومیده جان بېرگن باله‌لر سانی توغریسیده ترقه‌تیلگن رقم، اوشبو شهر جمعیتی‌دن بیر فایزی نی تشکیل بېره‌دی.
عین حالده، باله‌لرنی سقلش نهاد (save the children) نینگ ایتیشیچه، غزه‌ده زۉره‌وانلیکلر‌دن نجات تاپگن باله‌لر اېسه، تعریف بولمه‌یدیگن دهشت‌لرنی چیده‌شه‌دی.
شونینگدېک بیرلشگن ملتلر تشکیلاتی‌نینگ باله‌لردن حمایت اېتووچی صندوغی (یونیسف) نینگ ایتیشیچه، غزه‌ده بیر مینگ‌گه یقین باله بیر یا ایکّی آیاغی نی قۉلدن بېرگن و اولر اېسه بوتون حیات‌لری بۉییچه جدی مراقبت‌گه محتاج.
فلسطین‌ده باله‌لرنی سقلش نهاد مدیری «جیسون لی» نینگ ایتیشیچه، اوروش باشلنگنیدن بویان کونده اۉرته‌چه 100 باله جان بېرگن.
اونگه کۉره: «باله‌لرنی اۉلدیریش اوچون هیچ قنده‌ی دلیل یۉق. غزه احوالی کۉپ دهشتلی و انسانلر اوچون بیر آفت دیر.»
غزه‌ده اسراییل و حماس اۉرته‌سیده اوروش باشلنگنیدن بویان، قربان بۉلگنلردن 40 فایزی‌نی باله‌لر تشکیل بېره‌دی.
2013- ییل 7- اکتوبردن بویان غزه‌ده، کمیده 370 مکتب، 94 کسلخانه ویران و شونینگدېک 1.1 میلیون باله انسان‌دوستلیک یاردم‌لردن محروم بۉلگن.
اَیتیش کېره‌ک‌که، 7- اکتوبردن حاضرگچه غزه‌ده کمیده 30 مینگ کیشی اسراییل هجوملری عاقبتیده جان بېرگن.
