اوکراین جمهوررییسی ولادیمیر زلنسکی، روسیه اوکراین‌دن کېین بالتیک دولتلری، فنلند و اۉزبېکیستان‌گه هجوم قیلماقچی اېکنینی اَیتدی.
زلنسکی لیتوانی پایتختی ویلنیوس‌ده اۉتکزگن بیر خبری ییغینده ایتیشیچه: «مېنیمچه، بیز روسیه جمهوررییسی‌نینگ حرکت‌لریگه اعتبار قره‌تیشی‌میز کېره‌ک. او، تۉختمه‌یدی. او، بیزنی بوتونلی باسیب آلماقچی.»
اونگه کۉره، کیف‌نینگ همکارلریده‌گی مالی و حربی یاردم کۉرسه‌تیش خصوصیده‌گی ناانیق‌لیک، روسیه حکومتی‌گه فقط جسارت و کوچ بېره‌دی. شونینگ اوچون، او یاردم‌نی کېچیکتیریلمه‌یشی کېره‌ک.
زلنسکی‌نینگ قۉشیمچه قیلیشیچه: «روسیه جمهوررییسی اوکراین‌نی ویران قیلمگونیچه، تینچ‌لنمه‌یدی. اوکراین‌دن کېین کیم‌نی شونده‌ی خوف-خطرلر کوته‌یاتگنی‌نی جوده یخشی بیله‌سیز. اگر اوکراین مغلوب بۉلگنده، کېینگی اۉرین‌لرنی لیتوانی، لتونی، استونی و مولداوی اېگه‌لشی ممکن. یقینده او فنلند و اۉزبېکیستان حقیده گپیرماقه باشله‌دی. همه‌میز بیرگه‌لیکده اونی تۉختتگونیمیزچه، او (پوتین) باسقینچلیک‌نی بس قیلمه‌یدی.»
اَیتیش کېره‌ک‌که، لیتوانی جمهوررییسی گیتاناس ناوسدا، زلنسکی بیلن اۉتکزگن قۉشمه خبری کنفرانس‌ده ایتیشیچه، اوکراین‌گه 200 میلیون یورولیک اوزاق مدتلی یاردم پاکتی‌نی تصویب قیلگن.
