امریکا قوشمه ایالت‌لری‌نینگ مرکزی قۉمندان‌لیگی بوکون شنبه، ۲۳- جدی اېرته‌لب، صنعا وقتی بیلن ساعت ۳:۴۵ دقیقه‌ده اطرافیده، اوشبو مملکت حربیلری حوثی‌لرگه قرشی بیر رادار مرکزی اوستیده هجوم اویشتیریلگنی خصوصیده بیانات ترقه‌تدی.
سنتکام تامانیدن ترقه‌تیلگن بیانات‌گه کېلیشیچه، اوتکن کون جمعه ۲۲- جدی امریکا و بریتانیا کوچلری‌نینگ قیلگن هجوم‌لری باعث حوثی‌لر انتقام آلیش‌گه تیارگرلیک آلماقده اېکن که اولرنینگ آلدینی آلیش اوشبو هجوم اویوشتیریلگن.
شونده‌ی بیرحالده، اۉتکن کون اېرته‌لب، امریکا و بریتانیا جنگچی‌لری یمن پایتختی صنعا شهری و شونینگدېک حدیده، صعده و ضمار ولایتلریده حوثی‌لرگه تېگیشلی ۱۰ حربی مرکزگه هوایی هجوم اویوشتیرگن.
امریکا و بریتانیانینگ بو هجوم‌لری کۉپلب عکس‌العمل‌لرگه هم دوچ کېلدی و سعودی عربستان بو خصوصده عکس العمل بیلدیریب، منطقه‌ده تینچ‌لیک تامین‌لنیشی اوچون دقت اېتیلیشی اوستیگه اۉرغوله‌دی.
بونگه قۉشیمچه، تورکیه جمهور باشلیغی رجب طیب اردوغان امریکا و بریتانیا حربی کوچلرینی بو قیلمیشی‌گه عکس‌العمل بیلدیریب، بو ایکّی مملکت قیزیل دینگیزنی قیزیل قان‌گه اۉزگرتیریش آرتیدن اېکنلیگی‌نی تیلگه آلدی.
ایتیش کېره‌ک، امریکا و بریتانیا مملکت‌لری قیزیل دینگیزده سوداگرلیک کېمه‌لری‌نینگ خوفسیزلیگی‌گه قرشی ایران تامانیدن قوللب-قوتلنووچی حوثی‌لر آرقه‌لی فعالیت‌لر آلغه آلیب باریلیشی‌نی ادعا قیله‌دی و انه‌شو سبب بو ایکی مملکت‌نی حربی عملیات‌لری هم حوثی‌لرگه قرشی اویوشتیرلیشی اَیتیلگن.
