پاکستان خوفسیزلیک کوچلری‌نینگ ادعا قیلیشیچه، داعش گروهی‌نینگ ایکی اعضاسی‌نی قۉلگه آلگن که اولر، پاکستان اسلام عالم‌لری جمعیتی‌نینگ رهبری مولانا فضل الرحمن‌گه قرشی هجوم ریجه‌له‌گن اېکن.
شونینگدېک پاکستان خوفسیزلیک رسمی‌لری، داعش‌نینگ مذکور اعضالری افغانستان‌نینگ پکتیا ولایتیده تعلیم آلگندن کېین، پاکستان کیلگن‌نی ادعا قیلیشگن.
بیراق طالبان رسمی‌لری حاضرگچه بو توغریده فکر بیلدیرمه‌گن و بوندن آلدین طالبان حکومتی اېسه افغانستان‌ده داعش حضوری‌نی رد قیلگن اېدی.
عین حالده، بوندن آلدین طالبان حکومتی افغانستان بۉیلب، داعش گروهی‌گه قرشی جدی عملیات‌لر یۉلگه قوییلگنی و حربی عملیات‌لر عاقبتیده داعش گروهی افغانستان‌دن نابود اېتیلگنی‌نی بیلدیرگن اېدی.
اَیتیش کېره‌ک‌که، طالبان افغانستان‌ده قیته قدرت‌گه اِیریشگنیدن کېین، داعش گروهی افغانستان تورلی ولایت‌لریده قانلی هجوم‌لر اویوشتیرگن.
شونینگدېک جاری آی 16- جدی کابل غربیده جایلشگن، دشت برچی منطقه‌سیده داعش گروهی تامانیدن اویوشتیریلگن هجوم عاقبتیده کمیده ۵ کیشی اۉلیب، باشقه 15 کیشی یره‌لنگن اېدی.
