کابل‌ده طالبان حکومتی باش وزیرلیگی‌نینگ سیاسی اۉرېن‌باسرلیگی تامانیدن یۉلگه قوییلگن مصلحتی بیر ییغینده، بیرقطار دین عالم‌لری بو حکومت‌دن قیزلرگه اۉقیش اوچون رخصت بېریلیشی‌نی سۉره‌گنلر.
بو ییغین خصوصیده ارگ تامانیدن ترقه‌تیلگن بیانات‌نی بیر بۉلیمیده کېلیشیچه، اوشبو ییغینده دین عالم‌لری، طالبان حکومتیدن قیزلرگه اۉقیش زمینه‌لری یره‌تیلیشی‌نی سۉره‌گنلر.
شونده‌ی بیرحالده، طالبان افغانستان‌ده قیته قدرت‌گه ایریشگنیدن کېین، مکتبلر اېشیگی نی قیزلر برابریده یاپیب و شونینگدېک بیلیم یورتلر اېشیگی هم قیزلر یوزیگه یاپیلگنیدن، بیر ییل‌دن کۉپراق اۉتماقده.
بیراق طالبان حاضرگچه، مکتبلر و بیلیم‌یورتلر اېشیگی قیته قیزلرنینگ یوزیگه آچیلیشی خصوصیده ایچکی و خلق‌ارا ایسته‌کلرگه رد جواب بېریب کېلماقده.
