اۉتکن کون شنبه ۲۳ – جدی تایوان‌ده اۉتکزیلگن جمهورلیک ریاست و پارلمان سیلاو نتیجه‌‌سیده، تایوان دموکراتیک حزبی بوتون سیلاوچیلر آوازی جمله‌سیدن ۴۰ فایز ایشانچ آواز نی قۉلگه کېلتیریش بیلن، ینه بیر دور حاکمیت‌گه قالدی.
سیلاونینگ بو نتیجه‌سی بیلن تایوان دموکراتیک حزبی اوچ مراتبه کېتمه-کېت سیلاوگه غلبه قازانه‌دی و بو حزب رهبری ویلیام لای‌چینگ‌ته، ینه بیر دور تایوان جمهور باشلیغی اۉله‌راق سیلندی.
تایوان‌ده جمهورلیک ریاست و پارلمانی سیلاو عرفه‌سیده، چین حکومتی بو جزیره اهالیسی‌دن حاکمیت‌ده‌گی دموکراتیک حزبی اینیقسه بو حزب نامزدی جناب ویلیام لای‌چینگ‌ته گه آواز بیرمسلیک‌لرینی طلب قیلگن اېدی.
چین حکومتی تایوان دموکراتیک حزبی و اونینگ رهبری ویلیام لای‌چینگ‌ته نی جنجل یره‌تیش‌گه عیبلب کېلگن، بیراق جناب چینگ‌ته سیلاوگه غالب بۉلگنیدن کېین چین حکومتیدن منطقه تینچ‌لیگی اوچون او بیلن کېلیشیشی‌نی تکلیف قیلگن.
اَیتیش کېره‌ک، تایوان سیلاویده دموکراتیک حزبی‌گه رقیب، کومینتانگ و تایوان خلق حزب‌لری سیلاو نتیجه‌سینی تَن آلیب و غلبه قازانگن حاکم حزب نی تبریکله‌گن.
