چین‌نینگ کابل‌ده‌گی اېلچیسی جاوشینگ اۉتکن کون یک‌شنبه، 24 – جدی اۉز ایکس صحیفه‌سیده، بو مملکت افغانستان خلقی‌گه 100 میلیون یوان (14 میلیون دالرگه یقین) یاردم بېریشی‌دن خبر بېرگن.
چین اېلچیسی بو خصوصده ترقه‌تگن بیاناتی‌گه، مذکور یاردملر افغانستان اهالیسی قیینچیلیک‌لردن اۉتیشی اوچون اۉنملی تمام بۉلیشی‌گه امید بیلدیرگن.
بونگه قۉشیمچه، افغانستان‌نینگ موزله‌تیلگن 3.5 میلیارد دالر خزینه‌سینی سقلَش مقصدی‌ده سویس مملکتیده قۉریلگن، امانی صندیغی هم دنمارک مملکتی افغانستان‌گه 6 میلیون و 200 مینگ دالر یاردمی بېریشی‌دن خبر بېرگن.
ایتیلیشیچه، دنمارک مملکتی‌نینگ بو یاردم‌لری افغانستان‌ده عیال‌لر ظرفیت‌لری کوچه‌یشی اوچون صرفله‌نیشی ممکن.
شونده‌ی بیرحالده، اۉتکن اېکی ییل جریانیده افغانستان‌ده قشاق‌لیک رقمی خواطرلی درجه‌ده کۉپه‌یگن و بیرلشکن ملت‌لر تشکیلاتی‌گه تېگیشلی تشیکلات‌لرنی معلوماتی‌گه اساس، حاضر افغانستان‌ده، انسان‌پرورلیک یاردم‌لرگه محتاج کیشی‌لر رقمی کمیده 28 میلیون انسان‌گه ېیتیشگن.
