ایران یېتکرمه‌لری‌نینگ گزارش بېریشیچه، بو مملکت‌نینگ سیستان و بلوچستان منطقه‌سیده‌گی پاکستان‌نینگ راکتی هجومی عاقبتیده، ۳ عیال و ۴ باله جان‌لرینی قۉل‌دن بېرگن.
ایران یېتکرمه‌لری بو موضوع‌نی، سیستان و بلوچستان حاکمی‌نینگ سیاسی و خوفسیزلیک ایشلر بۉییچه اۉرین‌باسری‌دن نقل قیلیب یازگن.
شونده‌ی بیرحالده، بوکون پاکستان تشقی ایشلر وزیرلیگی بیر بیانات آرقه‌لی، بو مملکت‌نینگ ایران‌ده‌گی سیستان و بلوچستان ولایتیده بۉلگن راکتی هجومی‌دن خبر بېرگن اېدی.
پاکستان، ایران‌گه راکتی هجوم اویوشترگن بیرحالده، (سه‌شنبه کونی ۲۶- جدی) ایران حربی‌لری پاکستان مملکتی‌نینگ بلوچستان ایالتی‌گه تېگیشلی «پنجگور» منطقه‌سیده راکتی هجوم اویوشتیرگن اېدی. ایران مملکتی اوشبو هجوم‌ده جیش العدل قورالی گروهی‌نینگ مرکزلری نشان‌گه آلینگنی‌نی معلوم قیلگن اېدی.
