فرانسه جمهور باشلیغی امانوئل مکرون، هند مملکتیده بۉلگن سفری جریانیده، ایکی مملکت ارا ایریم شرطنامه‌لر امضا اېتیلگن.
بو شرطنامه‌لردن اینگ مهمی هند بیلن فرانسه آره‌سیده قورال و اوچاق ایشلب چیقاریش خصوصیده‌گی کیلیشوولر دیر.
هند یېتکرمه‌لرینی گزارش لریگه اساس، بو مملکت‌نینگ ملی کونیده فخری مهمان صفتیده کیلگن امانوئل مکرون حضوری، ایکی مملکت ارا مناسبت‌لر یخشی‌لنیشیگه هم ایجابی حصه قوشگن.
معلومات‌لرگه اساس، هند و فرانسه مملکت‌لری قورال، هسته‌ای انرژی، فضایی تدقیقات شونینگدېک حربی و ملکی اوچاق‌لرنی ایشلب چیقاریش کبی بیر قنچه ساحه‌لرگه شرطنامه امضا اېتکن‌لر.
ایکی مملکت ارا امضا ایتیلگن مهم همکارلیک شرطنامه‌لریدن بیرته‌سی، هندلیک تاتا کمپنیه‌سی بیلن فرانسه‌لیک ایرباس کمپنیه‌سی آره‌سیده، ملکی اوچاق‌لرنی ایشلب چیقاریش خصوصیده‌گی کیلیشوو دیر.
دیمک، بو شرطنامه‌لر طفیلی فرانسه، روسیه‌دن کېین هندنینگ حربی قورال‌لرینی تامین ایتووچی ایکینچی مملکت‌گه ایلَنگن.
