افغانستان اقتصادی وضعیتی اوستیده، جدی تاثیر قوییشی کوتیلگن، امریکا دالری اخیرگی بیر نیچه کون ایچیده، افغانی پول‌گه نسبتن ارزش‌نی کوپه‌یتیرماقده.
اۉزبېک تی‌وی تیکشیرووی اساسیده، بوکون سه‌شنبه ۱۰ – دلو افغانستان نینگ ییریک مالی بازاری «سرای شهزاده» مارکیتی‌گه، بیر امریکالیک دالر ۷۵ افغانی‌دن کوپراققه المه‌شتیریلگن؛ بیراق بو نرخ اېسه بیر قنچه کون ایلگری ۷۰ افغانی اطرافیده اېدی.
افغانستان‌ده دالر نرخی یوقاری کیتیشی بازارده‌گی دستلبکی ماده‌لرنی بهاسی کوپه‌ییشی‌گه سبب بوله‌دی بو اېسه افغانستان‌ده جاری اقتصادی وضعیت باعث کوپلب اهالی‌نی، کیره‌کلی نرسه‌لرینی تامین‌له‌ش گه قیینچیلیککه قۉیه‌دی.
طالبان حکومتی اوتکن ایکی ییل جریانیده افغانی پول نرخ‌نی چیت‌ایل پول‌لریگه نسبتن سقله‌نیشی اوچون جدی سعی‌وحرکت قیلگن و سونگی آی‌لر جریانیده افغانی پولی چیت‌ایل پول‌لری اینقسه دالرگه نسبتن قانقرلی وضعیت‌گه اېدی.
بونگه افغانستان‌ده بولگن نقدی انسان‌پرولیک یاردم‌لرنی تاثیری هم اونملی اوقیله‌دی.
دیمک، اخیر کون‌لر ایچیده یوز بیرگن‌دیک دالر ارزشی افغانی پول‌گه نسبتن یوقاری کیتسه، افغانستان اهالی‌سی نینگ اقتصادی وضعیت‌نی یامان‌لشتیریب، خواطرلرنی بو خصوصده اۉرته‌گه آلیب کیلیشی ممکن.
