طالبان حکومتی‌گه تېگیشلی قورالی کیشی‌لر، بغلان ولایتی گرداب اولوسواللیگی یشاوچیلری‌نینگ اوتلاقلرینی زورغه آلیش اوچون هجوم اویېشتیرگن.
اۉزبېک تی‌وی گه یوباریلگن معلومات‌گه اساس، اوشبو هجوم عاقبتیده ایکی کیشی یاره‌لنگنی ایتیله‌دی.
اۉزبېک تی‌وی گه کیلگن ویدیولرگه، طالبان‌نینگ قورالی‌لرینی بو هجومی اهالی ناراض‌لیگینی اورته‌گه آلیب کیلگن و شونینگدېک ویدیوده کتته ناراض‌لیک همده یاره‌لنگن کیشی‌لر هم کورینه‌دی.
گرداب اولوسواللیگی نینگ اۉزبېک آقسقاللری مذکور اوتلاق‌لر آته و بابه لریدن میراث قالگنینی ایتماقده‌لر.
گرداب اولوسواللیگی نینگ آلتینچی امنیتی حوزه‌سیگه تیگیشلی بۉلگن اۉنلرچه قورالی کیشی، تراکتورلرنی کیلتیریب اوتلاقلرنی قۉش هیدشگه باشله‌گنلر.
چارواچیلیک و مالدارلیک بیلن حیات کیچیره یاتکن اۉزبېکلرنینگ ایرکک و عیاللری بیر آره گه کیلیب اوتلاقلرینی سقلب قالیش اوچون کوره‌شماقده‌لر.
گرداب اولوسواللیگی نینگ اهالیسی، هجوم قیلگن قورالی کیشی‌لر بغلان ولایت محلی رسمی‌لری تامانیدن قولب_قوتلنیشی‌نی هم ادعا قیله‌دی.
بو اهالی معمالریگه طالبان حکومتی تامانیدن توجه قره‌تیلیشی و شونینگدېک انسان حقلرینی سقلش جمغمرلرگه اېتکزیش مقصد اورینماقده‌لر.
ایتیش کېره‌ک که، طالبان‌نی افغانستان‌ده حاکمیت‌گه قیتگنیدن بۉیان ییر اوستیده‌گی جنجل‌لر کوپه‌یگن، بو جنجل‌لر کوپینچه اۉزبېک‌لرنی ییرلری اوستیده دیر.
