طالبان تشقی ایشلر وزیرلیگی نینگ سۉزلاوچیسی اوتکن کون، سه‌شنبه ۱۰ – دلو، اۉزینی ایکس صحیفه‌سیده، طالبان نینگ چین اولکه‌سیده‌گی ایلچیسی اسدالله بلال کریمی ایشانچ نامه‌سی، چین جمهور باشلیغی شی‌جین پینگ‌گه تاپشیریلگنیدن خبر بېردی.
بو بیلن، چین دنیا بویلب اېلک مملکت بوله‌دی که طالبان‌نی ایلچیسینی رسمی قبول قیلگن.
طالبان افغانستان حاکمیتی‌گه قیتیشیدن ایکی ییل‌دن کوپراق زمان اوتماقده، بیراق حاضرگه قدر هیچ بیر مملکت بو حکومت‌نی رسمی تَن آلیش‌گه تیار بۉلگن ایمس.
طالبان حکومتی دنیا تامانیدن رسمی تَن آلینمسه هم حاضر دنیا بویلب بیر قنچه مملکت‌لر، افغانستان‌نینگ دیپلوماتیک وکیل‌لیکلری طالبان تامانیدن باشقیریلیشی‌گه راضی‌لیک بیلدیرگن.
دیمک، حاضرگچه هیچ بیر مملکت جمهور باشلیغی طالبان ایلچیسینی رسمی قبول قیلمه‌گن، بو خصوصده اېسه چین مملکتی بیرینچی بۉلدی.
چین‌نینگ بو یانده‌شووگه قرشی، امریکا تشقی ایشلر وزیرلیگی نینگ سۉزلاوچیسی متیو میلر چین مملکتیدن طالبان خصوصیده یانده‌شووینی آچیق‌لنتیریشی‌نی سۉره‌گن.
ایتیش کېره‌ک که چین جمهور باشلیغی طالبان ایلچیسی یانیده باشقه ۴۱ مملکت ایلچیسی ایشانچ نامه‌سینی هم قبول قیلگن.
