پاکستان سیلاو کمیسیونی بو مملکت بویلب پنجشنبه، ۸ – فبروری کونی اۉتکزیلگن، سیلاو نینگ دستلبکی نتیجه‌سینی اعلام قیلگن.
اوشبو نتیجه‌گه اساس، پاکستان سابق باش وزیری عمران خان رهبرلیگیده بۉلگن «تحریک انصاف» حزبی نینگ مستقل حالده قتنشگن نامزدلری پاکستان پارلمان نینگ چوکی‌لری جمله‌سیدن حاضرگه قدر ۹۹ اۉرین‌نی ایگله‌گن.
نوازشریف رهبرلیگیده بۉلگن «مسلم لیگ» حزبی اېسه ۷۱ چوکی و شونینگدېک بلاول بوتو زرداری نینگ خلق حزبی ۵۳ چوکی‌گه اېگه بۉلگن.
دیمک، پاکستان نینگ سابق باش وزیری عمران خان حاضر قماقده و سیلاو نتیجه‌سی شوندی ایلگری کیتگن حالده عمران خان قدرت‌گه قیتیشی ممکن.
جمعه کونی اۉزینی سیلاو پیروزی اعلان قیلگن مسلم لیگ حزبی نینگ رهبری نوازشریف حاضر ائتلافی دولت قۉریش اوچون بیر قنچه تامان‌لر اینقسه خلق حزبی رهبرلری بیلن سۉزلشووگه اۉتکنیدن خبر بېرگن.
