گلوبل صنعی یۉلداش یېرلشوو بیلگیلریگه اساسلنگن ینگی تدقیقاتگه کۉره، یېر سېکین-سېکین اۉز شکلینی اۉزگرتیرماقده. سیاره قطب حدودلریده کمراق یسیلهنیب، استوا اطرافیده اېسه اونینگ تارتیش میدانی کۉپراق یسیلنماقده. بو حقده قازین فورم آژانسی خبر یازگن.
یېر مکمل شر شکلیده اېمس. او قطبلرده بیراز یسلنگن، استوا اطرافیده اېسه کېنگراق شکلگه اېگه. ینگی تدقیقات شونی کۉرستهدی که، بو شکل اۉزگرمس اېمس. موزلر نینگ اېریشی، سوو نینگ جایلشوو و سیاره بۉیلب باشقه سطحی تودهلر سېکین-سېکین اۉزگریب بارماقده.
تدقیقاتلر 1997-2015 ییللر آرهلیگیده (GNSS) ترماقلری معلوماتیلریدن فایدهلنیب، یېر سطحی نینگ تیک یۉنهلیشدهگی حرکتلرینی تحلیل قیلدیلر. اولر قطب حدودلریده یېر سیرتی نینگ کۉتریلیش تېزلیگی 1990 ییللر نینگ آخریده ییلیگه چمهسی 0،5 ملی متر بۉلگن بۉلسه، تدقیقات دوری نینگ کېینگی قسمیده دېیرلی 1 ملی مترگه یېتگنینی انیقلهدیلر. شو بیلن بیرگه، استو حدودلریده هم شونگه یقین تېزلیکده چۉکیش کوزهتیلگن.
بو حرکتلر نینگ عمومی نتیجهسی یېر نینگ قتتیق قسمی بیراز کمراق یسیلنهیاتگنینی کۉرستهدی. تدقیقاتچیلر بو اۉزگریش تېزلیگی هر اۉن ییللیکده ییلیگه تخمینا 0،4 ملی مترگه تېزلشگنینی حسابلب چیقدیلر.
موزلر نینگ اېریشی سبب سو قطب حدودلریدن پستراق کېنگلیکلر و دېنگیزلر تمان کۉچماقده. بو قطبلرده یېر نینگ بیراق کۉتریلیشیگه، پستراق کېنگلیکلرده اېسه چۉکیشگه آلیب بارماقده.
