سرپل ولایتی بلخاب اولسواللیگیده حقوق بۉلیمینینگ ایشلاوچیسی، طالباننینگ سرپل ولایتی بلخاب اولسواللیگی حاکمیگه باغلیق کیشیلر تامانیدن یرهلنگنیدن سۉنگ کابلگه انتقال بېریلگن.
سرپل ولایتیدن محلی منبعنینگ ایتیشیچه، اوشبو ولایت بلخاب اولسواللیگی حقوق باشقرمهسی نینگ بیر ایشلاوچیسی اوشبو تومنده طالبان حاکمی عبدالقادر فروتنگه باغلیق کیشی آرقهلی کلتکلنگنی طفیلی باشیدن آغیر یرهلنگن ایدی که درمان اوچون کابلگه آلیب کېلینگن.
منبعنینگ معلوماتیگه کۉره، بلخاب حقوق ادارهسینینگ ایشلاوچیسی بۉلگن نعیم رحیمی، اوشبو تومن حاکمی بیلن بیر حقوقی قضیهگه باغلیق بۉلگن موضوع اوستیده بحث قیلگن بیر حالده حاکم نینگ قۉریقچیلری تامانیدن کلتکلنگن.
طالبان نینگ اوشبو اولسواللیکدهگی حاکمی، نعیم رحیمیدن محکمه بویروغی اجرا اېتیلمه گن بیر قضیهنی تاپشیریشینی طلب قیلگن، بیراق بو ایستککه رحیمی قرشی تورگنی سبب، بلخاب تومنی نینگ حاکمی قۉریقچیلری تامانیدن شکنجه اېتیلگن.
اوشبو قضیهده یرهلنگن رحیمی دستلب بلخاب کسلخانهسیگه آلیب باریلگن، اوندن سۉنگ مزار شریف شهریده انتقال بېریلگن، اوشبو کسلخانه جواب بېرگنیدن سۉنگ کابلگه آلیب کېلینگن و مییه جراحی عمل آستیده آلینگن.
اونینگ ساغلیق وضعیتی خوفلی گزارش بېریلگن.
عبدالقادر فروتن ۷۰ کون آلدین طالبان نینگ بلخاب اولسواللیگیده ینگی حاکمی اوله راق ایشینی باشله گن. او بوندن آلدین طالبان نینگ سرپل ولایتی کوهستانات اولسواللیگی حاکمی صفتیده ایش بجرگن اېدی.
