تخار ولایتیدن محلی منبع‌لرنی اۉزبېک تی‌وی گه ایتیشیچه، بو ولایت نینگ دشت‌قلعه اولسواللیگیده بیر ییگیت‌نی جسدی تاپیلگن.
ایتیلیشیچه، ۲۵ یاش‌گه بۉلگن بو ییگیت، بوندن قریب ایگیرمه کون ایلگری، تویی اوچون ترکیه‌دن کیلگن اېکن.
اوشبو واقعه عاقبتیده قربان بۉلگن ییگیت‌نینگ آتی عبدالقهار و دشت قلعه اولسواللیگی یشاوچیسی بۉلگنی ایتیله‌دی.
دیمک بو ییگیت اوتکن شنبه کونی، ۲۰ – دلو یوقالیب و عاقبت ناتانیش کیشی‌لر تامانیدن اۉلدیریله‌دی.
بو ییگیت‌نینگ جسدی بوکون دوشنبه، ۲۳ – دلو، دشت قلعه اولسواللیگیگه تېگیشلی «سریغ» منطقه‌سیدن تاپیلگن.
حاضرگه قدر بو ییگیت کیم تامانیدن و نیمه سبب اۉلدیریلگنی بیللی اېمس.
