بیرلشکن ملت‌لر تشکیلاتی خوفسیزلیک کېنگشی تامانیدن بوکون دوشنبه، ۷ – حوت افغانستان خصوصیده بیر ییغین اوتکزیلیشی کوتیلماقده.
بیرلشکن ملت‌لر تشکیلاتی‌دن ترقه‌تیلگن گزارش‌لرگه اساس، مذکور ییغین خوفسیزلیک کېنگش‌نینگ دایمی اعضالری و بیرلشکن ملت‌لر تشکیلاتی باش کاتبی‌نینگ حضوریده اوتکزیله‌دی.
معلومات‌لرگه اساس، بو ییغین‌گه بیرلشکن ملت‌لر تشکیلاتی نینگ باش کاتبی آنتونیو گوتریش تامانیدن، افغانستان بۉییچه مخصوص وکیل تعیین‌لنیشی همده اخیرگی دوحه ییغینی خصوصیده گزارش بیریلیشی کوتیله‌دی.
ایتیش کېره‌ک که بیرلشکن ملت‌لر تشکیلاتی نینگ باش کاتبی بو تشکیلات خوفسیزلیک کېنگش‌نینگ ۲۷۲۱ – رقملی قطعنامه‌سیگه اساس، افغانستان بۉییچه مخصوص بیر وکیل تانیشتیریشی کېره‌ک اېدی.
بیراق بیرلشکن ملت‌لر تشکیلاتی نینگ افغانستان خصوصیده بۉلگن دوحه ییغینیده تانیشتیریلیشی کوتیلگن، مذکور مخصوص وکیل‌نینگ تعیین اېتیلیشی مملکت‌لرنی آره‌سیده‌گی کیلیشماوچیلیک‌لر باعث حاضرگه قدر کیچیکتیریلیب کیلماقده.
