طالبان حکومتینینگ امر بالمعروف وزیرلیگی اوتکن کون سه‌شنبه، ۸- حوت کابلده، بیر قنچه یېتکرمه‌لر رسمی‌لری بیلن بیر ییغین اوتکزیب، اولرگه یېتکرمه‌لر فعالیتی برایریده بۉلگن، ینگی چیکلاولریدن خبر بېرگن.
منبع‌لرنی اۉزبېک تی‌وی تصدیق‌‌لشیچه، بو چیکلاولر کوپینچه یېتکرمه‌لرگه ایشلب تۉرگن خاتن-قیزلرگه تېگیشلی دیر.
بو منبع‌لر تامانیدن بیریلگن معلومات‌لرگه اساس، طالبان یېتکرمه‌لرگه فعال عیال‌لر حجابلرینی جدی نظرگه توتیش‌لری و همده ایرکک‌لر بیلن بیرگه یېتکرمه دستورلریده قتنشمسلیک‌لرینی معلوم قیلگن.
طالبان نینگ امر بالمعروف وزیرلیگی، اوشبو چیکلاولر نظرگه توتیلمه‌گن تقدیرده، عیال‌لر یېتکرمه‌لرگه ایشلشی تقیق‌لنیشیدن آگاه‌لنتیرگن.
ایتیش کېره‌ک که طالبان حکومتی خلق‌ارا تنقیدلرگه قره‌مسدن افغانستان نینگ تورلی بولیم‌لریده چیکلاولرنی کوپه‌یتیرماقده.
