افغانستان‌ده انسان حق‌لرینی تیکشیروچی نهادلر جمله‌سیدن بۉلمیش «رواداری» نهادی، افغانستان‌ده انسان حق‌لری وضعیتی خصوصیده اۉزینی ییل‌لیک گزارشینی ترقه‌تدی.
بو تشکیلات تامانیدن ترقه‌تیلگن گزارش‌گه اساس، افغانستان‌ده انسان حق‌لری خواطرلی بیرحالده طالبان تامانیدن نقض اېتیلماقده.
اوشبو گزارش‌گه کیلیشیچه، اوتکن بیر ییل جریانیده افغانستان بۉیلب، انسان حق‌لری نقض اېتیلگن واقعه‌لر عاقبتیده ۵۰۶ کیشی جان بېرگن.
شونینگدېک، اوشبو واقعه‌لر عاقبتیده افغانستان‌ده ۲۶۶ کیشی یره‌لنگنیدن هم خبر بېره‌دی، روداری نهاد اۉزینی گزارشیده.
رواداری نهادی نینگ اجراییه باشلیغی شهرزاد اکبر نینگ بو خصوصده ایتیشیچه: ” میلادی ۲۰۲۳ – ییل جریانیده انسان حق‌لری وضعیتی آغیرلشگن، بوتونله‌ی انسان حق‌لری وضعیتی اینقسه عیال‌لر وضعیتی، مقصدلی اۉلدیریش‌لر دوامی، ناقانونی توتقین‌گه آلینیشی دوامی، علنی مجازات‌لر و بو جمله‌دن علنی شلاق اوریش و باشقه ظالمانه علنی مجازات‌لر و ۲۰۲۳ – ییل اخیریده طالبان تامانیدن عیال‌لر اوستیده یۉل‌لرگه هجوم اېتیلیشیگه هم بیز گواه اېدیک.”
شهرزاد اکبر خلق‌ارا تشکیلاتلر نظارتی بۉلگن بیرحالده طالبان تامانیدن انسان حق‌لری نقض اېتیلیشینی خواطرلی اوقیب و بو خصوصده طالبان اوستیده دنیا همجعیتی تامانیدن باسیم کیلتیریلیشینی تکلیف اېته‌دی.
دیمک، رواداری گزارشیگه کۉره، طالبان افغانستان نینگ سابق جمهوریت حکومتیگه تېگیشلی کیشی‌لرنی عایله اعضاسی اوستیده هم باسیم کیلتیریش‌گه یوز کیلتیرگن.
ایتیش کېره‌ک که بوندن ایلگری پنجشنبه کونی، ۱۰ – حوت، بیرلشکن ملت‌لر تشکیلاتی انسان حق‌لری کېنگش‌نینگ افغانستان‌ده انسان حق‌لری وضعیتی خصوصیده مخصوص گزارشگری ریچارد بنت هم اۉزینی گزارشینی ترقه‌تیب، افغانستان‌ده انسان حق‌لری وضعیتی یامانلشگنیدن خبر بېرگن اېدی.
