طالبان حکومتی باش وزیری نینگ سیاسی اۉرین باسری محمدعبدالکبیر داعش گروهی افغانستاندن یۉق اېتیلگنینی ادعا قیلگن.
ارگ تامانیدن ترقه‌تیلگن بیانات‌گه اساس، طالبان باش وزیری نینگ سیاسی اۉرین باسری بو سۉزلرنی، ننگرهار ولایتی نینگ بیرقنچه قوم بویوک‌لری بیلن اوتکزگن اوچره‌شوویده تیلگه آلگن.
طالبان نینگ بو مقامی ننگرها ولایت اهالیسی بوندن ایلگری داعش گروهیگه قربان بۉلگنینی هم معلوم قیلگن.
طالبان شوندی بیرحالده، داعش گروهی افغانستانده یۉق اېتیلیشینی ادعا قیلماقده دیر که منطقه همده دنیا مملکت‌لری حاضرگه قدر بونگه ایشانمه‌گن.
دیمک، بوندن ایلگری بیر قنچه مراتبه افغانستانده عصیانچیلیک خواطری خصوصیده خلق‌ارا تشکیلات‌لر و مملکت‌لر گزارش بېرگن اېدی.
اخیرگی مراتبه، روسیه مدافعه وزیری سرگیی شویگو بو مملکت ییریک حربی مقام‌لری بیلن اوتکزگن مجلسیده داعش گروهی افغانستانده کوچلنگنی همده ۱۵ فایز اعضالرینی کوپه‌یتیرگنینی معلوم قیلگن اېدی.
