پاکستان‌دن ترقه‌تیلگن گزارش‌لرگه اساس، بوکون یکشنبه، ۱۳ – حوت، بو مملکت حکومتی نینگ ینگی رهبریتی ایش‌گه باشله‌یدی.
دیمک، بوندن اۉچ هفته ایلگری اوتکزیلگن پاکستان سیلاوی اساسیده مسلم‌لیگ نواز حزبی دن بۉلمیش شهباز شریف ایکینچی مراتبه پاکستان باش وزیری بولماقده.
اوشبو سیلاو نتیجه‌سی بوندن ایلگری ایریم قرمه‌قرشیلیکلرنی اۉرته‌گه آلیب کیلگن اېدی و سیلاوگه کوپلب ایشانچ آوازنی قۉلگه کیلتیرگن عمران خان رهبرلیگیده‌گی «تحریک انصاف» حزبی‌گه تېگیشلی مستقل نامزدلر حکومت قۉرالمه‌دی.
حاضر اېسه ایکینچی و اوچینچی سیلاو آوازینی قۉلگه کیلتیرگن ایکی حزب ایتلافی حکومت قورماقده دیر که اوشبو قرار اساسیگه شهباز شریف پاکستان باش وزیری اوله‌راق تانیشتیریله‌دی.
ایتیش کېره‌ک که حاضر قماقده بۉلگن عمران خان حزبی نینگ طرفدارلری، بیر نیچه هفته‌دن بۉیان ناراضلیک نمایش‌لر اوتکزیب کیلماقده.
