بیرلشگن ملتلر تشکیلاتی باش کاتبی آنتونیو گوتریش‌نینگ اۉچ آی‌لیک گزارشی، بو تشکیلات تامانیدن ترقه‌تیلدی.
بیرلشگن ملتلر تشکیلاتی باش کاتبی‌نینگ اوشبو گزارشیده افغانستان‌نینگ تورلی وضعیتی، اینیقسه سیاست، خوفسیزلیک، اقتصادیات، حکومتدارچیلیک و یوناما فعالیت خصوصیده توجه قره‌تیلگن.
سیاست و حکومتدارچیلیک
بیرلشگن ملتلر تشکیلاتی تامانیدن ترقه‌تیلگن گزارشده، طالبان حکومتی آره‌سیده ایریم مساله‌لر خصوصیده قرمه‌قرشیلیکلر بارلیگی بیلدیریلگن.
اوشبو گزارش‌گه طالبان حکومتی نینگ اعضالری آره‌سیده، مخدره ماده‌لر ایکیلشی تقیق‌لنیشی کبی اساسی حکومتدارچیلیک مساله‌لری خصوصیده قرمه قرشی‌لیکلر بارلیگی بیلدیریلگن.
شونینگدېک، بیرلشگن ملتلر تشکیلاتی باش کاتبی آنتونیو گوتریش اوشبو گزارشده طالبان حکومتیده یکونلی قرار آلیش جریانی چیک‌لیگی و قرار آلینیشی جریانی کینگه‌یتیریلمه‌گنی‌گه اشاره قیلینگن.
خوفسیزلیک
بیرلشگن ملتلر تشکیلاتی نینگ باش کاتبی اوشبو گزارشیده طالبان‌گه قرشی بۉلگن قورالی گروه‌لر، طالبان‌نی توسیق‌لیککه یوزمهیوز قیلر دیک، کوچ‌گه ایگه بۉلمه‌گنی معلوم قیلینگن.
گزارش‌گه کۉره، طالبان‌گه قرشی بۉلگن گروه‌لر اینیقسه آزادلیک و مقاومت کبی قورالی گروه‌لر کۉپینچه اجتماعی ترماق‌لرده طالبان‌گه قرشی هجوم اویوشتیرگنلرینی ادعا قیلگن. بیراق بو گروه‌لر طالبان نینگ ییر اوستی اوروشی‌گه اونچه‌لیک توسقینلیک بیلن یوزمهیوز قیلمه‌گنی معلوم قیلینگن.
بیرلشگن ملتلر تشکیلاتی نینگ باش کاتبی اوشبو گزارشیده، آزادلیک جبهه‌سی تامانیدن ۲۰۲۳ – ییل جریانیده کمیده ۲۴ قورالی هجوم اویوشتیریلگنی تصدیق قیلگن.
انسان حقلری
بیرلشگن ملتلر تشکیلاتی طالبان حکومتی افغانستان قیزلرینی اۉقیشدن محروم قیلگنی نی خواطرلی بیان قیلگن.
بو گزارشده بیرلشگن ملتلر تشکیلاتی نینگ باش کاتبی، طالبان تامانیدن قیزلرنی اۉقیشی اوچون رخصت بیریلمه‌گنی باعث، بو ییل تعلیمی ییل باشلنیشی افغانستان و جهان قیزلری اوچون قیغولی باشلنگنینی معلوم قیلگن.
بونگه قۉشیمچه، بیرلشگن ملتلر تشکیلاتی نینگ باش کاتبی افغانستان‌ده علنی مجازاتلر خصوصیده هم خواطر بیلدیرگن.
بیرلشگن ملتلر تشکیلاتی نینگ باش کاتبی آرتیق‌لشیچه، طالبان نینگ افغانستان‌ده عیاللر و ایرکک‌لر قرشی‌سیده بۉلگن ایریم سیاست‌لری قۉرقینچلی دیر.
بیرلشگن ملتلر تشکیلاتی نینگ باش کاتبی، طالبان حکومتی‌دن خلق‌ارا ارزش‌لرگه قرشی بۉلگن علنی مجازات‌لرگه چیک قوییش‌لرینی سۉره‌گن.
دیمک، بیرلشگن ملتلر تشکیلاتی نینگ باش کاتبی اوشبو گزارشیده، افغانستان‌ده بیرلشگن ملتلر تشکیلاتی اداره‌سی یا-ده یونامانینگ ایشی دوامی نی اونملی اوقیگن و شونینگدېک، بو اداره همده اونینگ باشلیغی رزا اوتنبایوا فعالیت‌لریدن قدرله‌گن.
