امریکا قۉشمه ایالتلری اخبارات تشکیلاتلری تامانیدن بو مملکت سنا کېنگشی‌ده ترقه‌تیلگن، امریکا نینگ ملی خوفسیزلیگیگه قرشی کوره‌ش ییللیک تېکشیروو گزارشی نینگ بیر بۉلیمی، طالبان‌گه قرشی قورالی جبهه‌لرگه قره‌تیلگن.
بو تېکشیرو اساسیده، طالبان‌گه قرشی بۉلگن قورالی جبهه‌لر یقین آره‌ده، طالبان‌گه قرشی جدی تهدید یرهتیشگه قادر اېمس چونکه طالبان حکومتی اۉزینی کوچ‌لنتیرگن و بو جبهه‌لرنی اېسه ضعیف‌لشتیرگن.
امریکا حکومتی تامانیدن ترقه‌تیلگن بو گزارش‌گه اساس، طالبان‌گه مخالف جبهه‌لرنی تهدید یرهتیشگه قادر بولمه‌گنی سبب‌لری، بو جبهه‌لرنینگ ضعیف رهبریتی همده چیت‌ایللیک قولب_قوتلنمه‌گنی دیر.
شونیندېک، مذکور گزارش‌ده افغانستان اهالیسی نینگ اوروش‌دن چرچه‌گنی همده طالبان انتقامی‌دن بۉلگن قورقیشلر، طالبان حکومتی‌گه قرشی جدی تهدیدلر یره‌تیلمسلیگی باشقه سبب‌لری اوقیلگن.
باشقه تاماندن، بو گزارش‌گه داعش گروهی طالبان حاکمیت‌نی کوچ‌سیز قیلیش اوچون افغانستان‌ده بۉلگن هجوملریگه دوام بېرگنی بیلدیریلگن.
دیمک، داعش گروهی نینگ افغانستان‌ده‌گی هجوملری مملکت‌لر منفعتیگه قرشی بۉلگنی هم ایتیلگن، امریکا حکومتی تامانیدن ترقه‌تیلگن بو گزارش‌ده.
