امریکا قۉشمه ایالتلری تشقی ایشلر وزیری آنتونیو بلینکن، جاری هفته جریانیده یقین شرق مملکت‌لریدن قطاری‌گه سفر قیلیشیدن خبر بېردی.
فیلیپین مملکتیده اۉتکزگن خبری ییغینده نطق سۉزله‌گن، امریکا تشقی ایشلر وزیری بو سفریدن مقصد، غزه‌ده آتیش-کیسین برقرارلنیشی و اسراییل‌لیک اسیرلر آزاد اېتیلیشی خصوصیده سعی‌وحرکت قیلیش دیر دېب معلوم قیلدی.
شونینگدېک، آنتونیو بلینکن سفری جریانیده، سعودی عربستان و مصر مملکت‌لری رسمیلری بیلن اوچره‌شیب، غزه‌ده آتیش-کیسین برقرارلنیشی همده منطقه‌ده برقرارلیک یره‌تیلیشی مقصد بحث قیلیشینی هم بیلدیردی.
بونگه قوشیمچه، امریکا تشقی ایشلر وزیری غزه یشاوچیلری یوز فایزی یاردملرگه محتاج دېب، اسراییل‌دن یاردم یېتکزیلیشی اوچون خلخت بیرمسلیگینی سۉره‌دی.
دیمک، رمضان آیی باشلنیشیده غزه‌ده آتیش-کیسین برقرار اېتیلیشی مقصد بۉلگن سعی‌وحرکتلر حاضرگه قدر نتیجه بېرمه‌گن.
