ارگ صحیفه‌سی بیر بیانات ترقه‌تیب، طالبان باش وزیری نینگ سیاسی اۉرین باسری محمدعبدالکبیر، کابل‌ده‌گی آذربایجان ایلچیسی الهام محمدوف بیلن اوچره‌شگنیدن خبر بېردی.
طالبان تامانیدن ترقه‌تیلگن بیانات‌گه اساس، آذربایجان ایلچیسی، مملکتی افغانستان بیلن تورلی ساحه‌لرده علاقه‌لرینی کوچه‌یتیریش آرتیدن دیگن.
طالبان گه کۉره، آذربایجان مملکتی، افغانستان بیلن اقتصادی مساله‌لر خصوصیده همکارلیک قیلیشگه تیار دېب معلوم قیلگن.
شونینگدېک، طالبان حکومتی هم آذربایجان مملکتیدن، بو مملکت آرقه‌لی افغانستان سوداگرلیک محصولات‌لری اروپاده انتقال بیریلیشی خصوصیده همکارلیک قیلیشینی سۉره‌گن.
دیمک، آذربایجان مملکتی طالبان حاکمیتیده بۉلگن افغانستان‌ده ایلچی‌خانه آچیب، ینگی‌لیکدن دیپلوماتیک علاقه‌لرگه باشله‌گن.
