اۉتگن کیچه سه‌شنبه، ۲۹ – حوت، امریکا قۉشمه ایالتلری نینگ مشترک حربی کوچلری نینگ سابق باش قومندانی جنرال مارک میلی و بو مملکت حربی کوچلری نینگ مرکزی قومندان لیگی یاده «سنتکام» سابق باشلیغی فرانک کنت مکنزی، افغانستان‌دن امریکا کوچلری چیقیشی خصوصیده معلومات بېردی‌لر.
سنا کېنگشی‌ده نطق سۉزله‌گن، امریکالیک بو سابق حربی مقاملر، افغانستان حاکمیتیده بۉلیب تورگن طالبان گروهی نینگ عصیانچی بیر گروه بیان قیلگنلر.
جنرال مارک میلی نینگ ایتیشیچه، افغانستان حاکمیتیده بۉلسه هم بیراق اونینگ فکری‌دن طالبان عصیانچی بیر گروه دیر.
جنرال میلی گه کۉره، طالبان و واشنگتن آره‌سیده‌گی دوحه بیتیمی، افغانستان نینگ سابق حکومتی روحیه‌سی ضعیف‌لشگنیگه سبب بۉلیب و نهایت بو حکومت قوله‌شینی اۉرتهگه آلیب کېلدی.
شونینگدېک، جنرال مکنزی هم افغانستان‌ده طالبان آرقه‌لی عصیانچی گروه‌لر قولب-قوتلنیشینی ادعا قیلیب، بو گروه‌لر کیله‌جگده امریکا اوچون تهدید بۉلیشینی بیلدیردی.
امریکالیک بو ایکی سابق حربی مقام، افغانستان‌ده داعش همده القاعده گروه‌لری کوچ‌لنیشی آلدی آلینیشینی تکلیف قیلگنلر.
بو ییغین‌ده همده، طالبان تامانیدن انسان حقلری اینقسه خاتین-قیزلر حقلری نقض اېتیلیشی دوامیدن خواطر بیلدیریلدی.
