ترقه‌تیلگن معلومات‌لرگه اساس، روسیه پایتختی مسکو شهریده صادر بۉلگن پارتلش عاقبتیده، ۶۰ کیشی جان بېرگن و ینه کمیده ۱۰۰ کیشی اېسه یاره‌لنگن.
دیمک، بو پارتلش هجوم،جمعه کونی ۳ – حمل، داعش گروهی تامانیدن اویوشتیریلیب، مسکو شهریده بیر کنسرت‌نی نشان‌گه آلگن اېدی.
بو قانلی حادثه دنیا بۉیلب جدی قاره‌لشلرنی اۉرته آلیب کیلدی و روسیه‌ده بو خصوصده تدقیقات‌لر حاضرهم دوام اېتماقده.
روسیه‌لیک رسمی معلومات‌لرگه اساس، بو پارتلش هجوم خصوصیده بۉلگن تدقیقات‌لرنی نتیجه‌سی، بو خصوصده‌گی کمیته تامانیدن روسیه جمهورباشلیغی ولادیمیر پوتین‌گه تاپشیریلگن.
بو پارتلش شوندی بیرحالده صادر بۉلماقده دیر که روسیه ایکی ییل‌دن بۉیان اوکراین بیلن حربی توقنه‌شوولرینی دوام بېریب کېلماقده، بو اېسه روسیه بیلن غرب مملکت‌لری اینقسه امریکا قۉشمه ایالتلری آره‌سیده جدی کیلیشماوچیلیکلرنی آلیب کېلگن.
بو کیلیشماوچیلیکلر سبب، دنیا نینگ باشقه مملکت‌لری رهبری‌لریگه قرشی، امریکا جمهور باشلیغی جوبایدن، روسیه جمهور باشلیغی ولادیمیر پوتین‌گه علاقه قوریب بو خصوصده گپ‌لشیش‌گه تیار بۉلمه‌گن.
