افغانستان‌ده یالغیز بیش ییل‌دن بۉیان اوغلاق بیله‌شوولری لیگه چارچوبه‌سیده یۉلگه قوییلیب، کېلماقده. بیراق بوندن ایلگری بو اویین خلق‌میز آره‌سیده سنتی کورینیش‌ده یۉلگه قوییلر اېدی.
قدیم‌لردن خلق‌میزنی توی کونلری کبی قووانچ کون‌لرینی بیر بۉلیمی بۉلمیش اوغلاق اویینی‌گه بۉلگن قیزیقیش‌لر دنیا بۉیلب حیرت‌لرگه سبب بۉلماقده.
ینگی‌لیکده، فرانس پرس یېتکرمه‌سی گزارش‌لریدن بیرینی افغانستان‌ده، اوغلاق اویینی‌گه بۉلگن قیزیقیش‌لرگه قره‌تگن و بو یېتکرمه افغانستان‌ده اوغلاق اویینی عصری بیر اویین‌گه ایلَنماقده‌لیگینی، معلوم قیلگن.
فرانس پرس یېتکرمه‌سی گزارشیده، اخیرگی ییل‌لر ایچیده افغانستان‌ده اوغلاق اویینی‌گه سرمایه یاتقیزیش‌لر هم کوپه‌یگنی بیلدیریلگن.
ایتیش کېره‌ک که بیش ییل‌دن بۉیان افغانستان پایتختی کابل شهریده، اوغلاق بیله‌شوولری اوتکزیله‌دی و بو بیله‌شوولرنی اخیرگی دوری بیر نیچه آی ایلگری سرپل قهرمان‌لیگی بیلن یکونلنگن اېدی.
دیمک، اوغلاق بیله‌شوولری اوشبو بیش ییل ایچیده، سپورت معیارلریگه ماس حکم حضوری بیلن اوتکزیلیب، جانلی یایین‌لر آرقه‌لی هم کورسه‌تیله‌دی.
