پاکستان اردوسی نینگ ادعا قیلیشیچه، اوشبو مملکت نینگ خوفسیزلیک کوچلری افغانستان‌دن پاکستان گه اۉتیش ایسته‌گن یېتی قوراللی عصیانچی نی اۉلدیرگن.
پاکستان اردوسی نینگ عمومی علاقه‌‌لر اداره‌سی بیر بیانیه آرقه‌لی ایتیشیچه، مذکور عصیانچی گروه خیبرپختونخوا ایالتی شمالی وزیرستان‌‌ده پاکستان کوچلری تامانیدن اۉلدیریلگن.
اوشبو بیانیه‌ده کیلیشیچه، پاکستان طالبان حکومتی‌دن افغانستان چیگره‌لری نینگ درست بیر شکلده مدیریت بۉلیشی و پاکستان گه قرشی تهدید اوچون عصیانچی گروه‌لر گه افغانستان توپراغی‌دن فایده‌لنیش خصوصیده رخصت بیریلمسلیگی نی سۉره‌گن.
ایتیش کېره‌ک که، پاکستان بوندن آلدین هم نیچه مراتبه طالبان آرقه‌لی عصیانچی گروه‌لر گه باش‌پناه بیریلیشی خصوصیده ادعا قیلگن دیر؛ لېکن طالبان دایم بو ادعالر نی رد قیلگن.
