افغانستان ترانسپورت و هوا یۉللری وزیرلیگی نینگ هواشناسلیک اداره‌سی بیر خبرنامه ترقه‌تیش بیلن کیله‌سی ایکّی کون (جمعه و شنبه) کونلری ایچیده، افغانستان بۉیلب ۲۹ ولایت‌ده یاغینگرچیلیک یوز بېریشی ممکن‌لیگیدن خبر بېرگن.
شونینگدېک، بو خصوصده ترقه‌تیلگن بیانات‌گه، اوشبو یاغینگرچیلیکلر کوچلی یامغیر و قارلردن عبارت بۉلیب، یاغینگرچیلیک عاقبتیده سوو تاشقین‌لری هم یوز بېریشی ممکن‌لیگی معلوم قیلینگن.
بو وزیرلیک تامانیدن ترقه‌تیلگن بیانات‌گه اساس، سالنگ‌لر شامل بدخشان، تخار، بغلان، پنجشیر، نورستان، کنر، ننگرهار، لغمان، کاپیسا، پروان، کابل، سمنگان، بلخ، سرپل، فاریاب، بامیان، میدان وردک، لوگر، پکتیا، خوست، پکتیکا، غزنی، دایکندی، بادغیس، غور، هلمند، ارزگان، قندهار و زابل ولایت‌لریده یاغینگرچیلیک یوز بېریشی کوزه‌تیله‌دی.
ایتیلیشچه، اوشبو ایکّی کون جریانیده یاغیشی کوتیلگن یامغیر مقداری ۱۵- ۶۰ ملی‌متر و قار قلین‌لیگی اېسه ۱۵- ۳۰ سانتی‌متر گه قدر دیر
