اۉزبېک تی‌وی گه یېتیب کېلگن مکتوب اساسیده، بیلیم یورتلرده‌گی اۉزبېک تیل و ادبیات استادلری بوندن کېین، خلق‌ارا تیللردن اۉزبېک تیلی‌گه ترجمه قیلیش اۉرنیده، پشتو یا که فارسی تیلی‌گه ترجمه قیلیش‌گه مجبورلر.
بوندن آلدین، بیلیم یورتلرده‌گی اۉزبېک تیل و ادبیات استادلری‌گه «پوهندوی» علمی رتبه‌سی اوچون بیرته درسلیک کتابنی اۉز رشته‌لریگه ترجمه قیلیش‌لری شرط قوییلگن اېدی.
شو اساسده، قطار رشته‌لر جمله‌سیدن اۉزبېک تیلی اوقیتووچیلری هم «پوهندوی» علمی درجه‌سی اوچون خلق‌ارا تیللردن بیرته کتابنی اۉز رشته‌لریگه درسلیک اوچون ترجمه قیلیب تقدیم اېتیش‌لری لازم ایدی.
بیراق اۉتکن کون بیرینچی ثور عالی تحصیلات وزیرلیگی تامانیدن بیلیم یورتلرگه یوباریلگن مکتوب‌گه کۉره، اۉزبېک تیلی استادلری کتابنی مملکت رسمی تیللری دېب قید اېتیلگن «پشتو یا فارسی» تیللری‌گه ترجمه قیلیش‌لری کېره‌ک.
اَیتیش کېره‌ک که بو اۉزبېک تیلی‌گه قرشی کوتاریلگن بیرینچی اَدیم اېمس، بلکه بوندن آلدین هم معارف وزیرلیگی اۉزبېک تیلی مضمونی نی معارف نصابی‌دن اوچیرگنی حقیده قطار گزارشلر ترقه‌تیلگن اېدی.
