تخار ولایتیدن بۉلگن محلی منبع‌لرنی اۉزبېک تی‌وی گه ایتیشیچه، بو ولایت دشت قلعه تومنیده، اۉتگن جمعه کیچه‌سی، قورالی ناتیش کیشی‌لر قومندان محمد ناملی سابق حکومت حربی‌لریدن بیرینی اویی‌گه باستیریب کېلیب، بو قومندان‌نینگ سکیز آی‌لیک حامله‌دار قیزینی اۉلدیرگن.
ایتیش کېره‌ک که مذکور واقعه عاقبتیده، ینگی تورموش قورگن نگینه ناملی بیرعیال آته‌سینی اویی‌ده اۉلدیریلگن.
بو واقعه شوندی بیرحالده یوز بیره‌دی که واقعه قربانی کمیده ۲۰ یاشر نگینه، ینگی‌لیکده ایران‌دن کېلگن ایناغه‌سینی کورگنی خواجه غار تومنیدن، دشت قلعه‌گه آته‌سینی اویی‌گه کېلگن اېکن، که ایکی قورالی کیشی اوی‌گه باستیریب کېله‌دی و بو عیال‌نی اوققه توتیب، اۉلدیره‌دی.
دیمک واقعه قربان‌نینگ آته‌سی سابق حکومت دوریده محلی کوچلر قومندانی اېکن که طالبان حکومت‌گه قیتگنیدن کیین ایران‌گه قاچیب چیقیش‌گه مجبور بۉلگن.
تخار ولایتیده‌گی طالبان محلی رسمی‌لری حاضرگه قدر بو خصوصده هیچ قنده‌ی معلومات بېرگن اېمس.
شونینگدېک، بو واقعه کیم تامانیدن و نیمه مقصد یوز بېرگنی هم حاضرگه قدر انیق بیللی اېمس دیر.
