بوکون سکیزینچی ثور، افغانستان خلقی دیموکراتیک حزبی حاکمیتیده بۉلگن تیزیم‌گه قرشی، مجاهد گروه‌لرنی غلبه قازانگنی ییل‌لیگیگه ماس دیر.
دیمک، تورلی حزب‌لر و قورالی تامان‌لردن شکل‌لنگن اوشبو مجاهد گروه‌لر سابق شوری نینگ افغانستان‌ده حضوری همده افغانستان خلقی دیموکراتیک حزبی‌گه قرشی کمیده ۱۴ ییل قانلی اوروش‌دن کیین غلبه قازاندی‌لر.
اوشبو گروه‌لرنی اوروشی کوپینچه، امریکا، سعودی عربستان تامانیدن قولب-قوتلنگن و بو گروه‌لرنی حربی فعالیت‌لری کوپراق پاکستان‌دن ریجه‌لشتیریلگن.
بوندن ۳۲ ییل ایلگری ثور آیی نینگ سکیزینچی کونی مجاهد گروه‌لر داکتر نجیب الله حکومتی قوله‌شی بیلن افغانستان حاکمیت‌نی قۉلگه آلدی‌لر.
بو گروه‌لر حاکمیت‌‌گه قیتگنی بیلن افغانستان‌ده تینچ‌لیک و برقرارلیک تامین‌لنمه‌دی و مجاهد گروه‌لر و حزب‌لرنی آره‌سیده بۉلگن کیلیشماوچیلیکلر باعث، افغانستان ایچکی اوروش‌لر تامان کېتیب، قانلی وضعیت‌لرگه گواه بۉلدی و ییل‌لرچه بو وضعیت دوام اېتدی.
