قویاش ۱۴۰۳ – ییل قلین قار و قتتیق یامغیر یاغیشلری بیلن بیرگه باشلندی.
انه‌شوو یاغینگرچیلیکلر فاریاب دهقانلری کونگیل‌لریگه قووانچ یره‌تیب، اولرنی ایکین‌لری خصوصیده امیدلنتیرگن.
خواجه‌سبز تومنیده جایله‌شگن ایکین‌زارلرده اخیرگی یاغینگرچیلیکلر باعث، ایکین‌لر اینقسه بوغدای و ارپه ایکین‌لرینی بویی دهقان‌لر ایسته‌گیگه ماس کونسه‌یین کوتاریلماقده.
بو تومن دهقان‌لریدن بیری بۉلمیش، نبی‌بیک اکه اوزینی ایکین‌زارلریگه ایلَنیب، بیزگه ایکین‌لری بو ییل یخشی ایکنیدن سۉزلب بېره‌دی.” بوغدای‌لر نام‌خدا کوپ یخشی و بیزنی کشت‌لریمیز کوپ یخشی، سوو بۉلسه همه نرسه یخشی بوله‌دی اېکن، دشت‌لرده بوغدای و اوت‌لر همه‌سی یخشی، دریالرنی سووی کوپه‌ییب اریغ‌لرده هم کوپ، شوندی یامغیر یاغسه دهقان‌لر خرسند دیر.»
یاغینگرچیلیک خواجه‌سبز پوش تومنی اریغ‌لری و دریاسیده سوونی کوپه‌یشیگه باعث بۉلگن، دهقان‌لر بو سوولردن ایسته‌گنگه قدر حاضر ایکین‌زارلرینی سوغاریشلری ممکن دېب، بیراق سووتوغان‌لری یۉق‌لیگیدن دل‌لریده‌گی دردلرینی آچه‌دیلر.
سوو توغان‌لری قوریلگن‌ده اېدی، بو سوولر ذخیره بۉلیب، ایسیغ موسومیده هم سووکمچیلیگی معماسیگه دوچ کیلمس‌لیگیمیزممکن اېدی دیدی‌لر فاریاب‌لیک بو دهقان‌لر.
فاریاب‌لیک رازمحمد نینگ بو توغریده ایتیشیچه” حکومت‌دن بیزنی خواهش‌میز شو دیر که سوو بندلرینی قورسین، بو توغریده بۉلگن تکلیف‌لرگه توجه قېلسین، اگرده توجه بۉلسه تابستان‌ده هم سوومیز کوپه‌یدی یالغیز بو ییرده اېمس بلکه دولت‌آباد و اندخوی‌ده هم سوو باره‌دی.”
دهقان‌چیلیک بیلن روزغار تیبره‌تیب تورگن خواجه‌سبز پوش‌لیک نورمحمد سوو کم بۉلگن تقدیرده اولرنی حیاتی قنده‌ی قیینچیلیکلر بیلن دوچ کېلگنی خصوصیده بونده‌ی دیدی “یوقاری‌ده بیر سوو بندی بار بیز قوریلیشی اوچون درخواست هم قېلگن‌میز، اگرده شو بند توزالسه شو ییرلر سوودن سیراب بۉله‌دی.”
اوتگن نیچه ییل قوروقچلیک لر سبب دهقان لر کوپ زیان کورگن بیراق بو ییل یخشی کېلیشی اوشبو دهقان‌لرگه امید بېرماقده.
