فاریاب فرهنگی‌لری طبیعت بغریده شعرخوان‌لیک بزم‌نی یۉلگه قویگن‌لر.
فاریاب ولایتی بیرقنچه شاعرلری و فرهنگی‌لری بو ولایت سای‌لریدن بیری‌گه کېلیب، کوکلم فضا الهام‌نینگ اوقیب، شعرخوان‌لیک توره‌سینی سقله‌شگه اولگورماقده‌لر.
کیچه کیچ‌گچه سنتی چراغ‌لر یاقدوسی آستیده اولتیریب شعر اوقیب و شاعرانه الهام قیدیرگن، فاریاب‌لیک شاعرلر بو کبی اولتیریش‌لرنی اهمیتی توغریسیده سۉزله‌یدلر.
اوشبو شاعرلردن بیری حسام الدین تویغون ایتیشیچه “ کورگنینگیزدیک بیز کوکلم همده تینچ فضادن فایده‌لنیب، باشقه ولایت‌لردن کېلگن مهمان‌لر بیلن بیرگه آره‌میزده‌گی صمیمیت‌نی کوپه‌یتیریش همده بیر بیراولریمیزنی دردلریمیز و شعرلریمیزگه قولاق توتیش اوچون بو ییرده توپلنگن‌میز.”
فاریاب‌لیک بو فرهنگ، شعریت و تیل شیدالری، بو کبی ییغیلیش‌لری بیلن دم آلیش‌گه علاوه تیل رواجی اوچون هم حصه قوشیش‌گه اولگوریش‌لرینی اَیته‌دیلر.
اولرنی ایشانچ‌گه کۉره، بو کبی ییغیلیش‌لر و اولتیریش‌لرنی ریجه‌لشتیریش، تیل بای‌لیگینی سقلش و شعریت بیلن تیل رواجی‌گه حصه قوشیش‌نی اونملی بیر یۉلی دیر.
بو فرهنگی‌لردن ینه محبوب الله توران بوندی دیدی”بوندی علمی و ادبی ییغیلیش‌لر ییگیت‌لر آره‌سیده کمه‌یگن اېدی، حاضر تینچ‌لیک باعث بوندی ییغیلیش‌لر کوپه‌یماقده”
دیمک، کوپلب فرهنگی و بیلیم‌لی انسان‌لرنی اۉزی‌گه جایله‌شتیرگن فاریاب ولایتیده، تیز تیز بو کبی علمی و ادبی ییغیلیش‌لر بۉلیب توره‌دی.
