بیرلشکن ملتلر تشکیلاتی باش کاتبی نینگ افغانستان‌ده‌گی مخصوص وکیلی و یوناما باشلیغی رزا اوتنبایوا، طالبان امر بالمعروف و نهی عن المنکر وزیرلیگی نینگ ینگی قانونی توغریسیده خواطر بیلدیرگن.
یوناما تامانیدن نشر اېتیلگن بیانات‌ده کیلیشیچه، اوتنبایوا بو قانون افغانستان کیله‌جگی اوچون اچینرلی دیب اورغوله‌گن.
اونگه کۉره، طالبان بو قانونی بیلن افغانستان اهالی‌سی برابریده کۉپ چیکلاولر یره‌تیب همده کۉپلب اهالی‌نی حبسگه آلینیشی اوچون یۉل قۉیه‌دی.
بیرلشکن ملتلر تشکیلاتی باش کاتبی نینگ افغانستان‌ده‌گی مخصوص وکیلی، طالبان‌دن بو قانون توغریسیده آچیق‌لیک بیریشلرینی سۉره‌گن.
شونینگدېک اوتنبایوا بو قانون عملگه آشیریلگن تقدیرده افغانستان کیله‌جک‌نی خواطرده قۉیه‌دی دیب علاحده اورغوله‌گن.
ایتیش کېره‌ک که طالبان یقین‌ده بیر قانون‌نی تصدیق‌لب، اهالی اینقسه خاتین-قیزلر برابریده جدی چیکلاولر یره‌تگن.
