اۉزبېکستان حکومتی نینگ مطبوعات خذمتی تامانیدن بیریلگن معلومات‌گه کۉره، بو گون پنجشنبه، ۸ – سنبله، «ترمذ خلق‌ارا سودا مرکزی» رسمی بیر احتفال آرقه‌لی آچیلگن.
بو خصوصده بۉلگن معلوماتلرنی بیلدیریشیچه، افغانستان و اۉزبېکستان آره‌سیده‌گی مشترک اوشبو سودا مرکزی، اۉزبېکستان باش وزیری عبدالله عارف‌اف و طالبان باش وزیری اۉرین باسری عبدالغنی برادر اشتراکیده آچیلگن.
شونینگدېک بو سودا مرکزی نینگ آچیلیش مراسمیده، آذربایجان، قزاقستان و قرغیزستان مملکتلریدن هم ییریک مقاملر اشتراک قیلگن اېکن.
قوله‌ی ایش بیلرمانلیک محیط یره‌تیش، ایکی مملکت‌ارا اقتصادی علاقه‌لرنی کینگه‌یتیریش و تدبیرکارلر اوچون ضرور بۉلگن شرایطلرنی یره‌تیش بو مرکز آچیلیشیدن اصلی مقصد دېب قید اېتیلگن.
عینی حالده، بو مرکز‌ده افغانستان وطنداشلری اوچون، سودا-ساتیق قیلیشلریگه علاوه تعلیم و ساغلیق خذمت‌لری هم شرایط‌گه اساس ترقه‌تیلیشی معلوم قیلینگن.
