اخیرگی کونلر ایچیده، لبنان حزب الله‌سی اعضالری آره‌سیده عامه‌وی بیر حالده، علاقه قوریش اوسکونه‌لری بۉلمیش پیجرلر و بیسیم‌لر پارتلشی، دنیا بۉیلب مناسبت‌لرنی اورته‌گه آلیب کېلدی.
اوشبو واقعه شوندی بیرحالده یوز بېرماقده دیر که یقین شرق مملکتلری اخیرگی بیر ییل ایچیده، ناتینچ وضعیت‌لرنی باش‌دن کیچیرماقده و کۉنسه‌یین بو منطقه‌لرده ییریک بیر اوروش یوز بېریشی یا ده هم غزه‌ده جاری اوروش کینگه‌یشی آگاه‌لنتیریلماقده.
عینی حالده، حزب الله اعضالری یانیده‌گی علاقه قوریش اوسکونه‌لری پارتلشی دنیا تینچ‌لیگینی ینه بیربار خواطرده قۉیگن.
بو مساله جدیتی باعث، بیرلشکن ملتلر تشکیلاتی خوفسیزلیک کېنگشی بیر ییغین اۉتکزیب، اوشبو واقعه‌نی تیکشیرگن.
بیرلشکن ملتلر تشکیلاتی اعضالری، بو اوسکونه‌لر پارتلشی تۉغریسیده تدقیقات بجریلیشینی تاکیدلگن بۉلسه‌ده، بیراق بو ییغین‌ده اوشبو واقعه دنیاده تارتیشوولرنی کوچه‌یتیریشی ممکن‌لیگیدن آگاه‌لنتیریلگن.
شونینگدېک بیرلشکن ملتلر تشکیلاتی انسان حقلری عالی کمیشنری ولکر تورک، بو وضعیت دنیاده اوروش ینگی کۉرینیش‌ده جدی‌لشگنینی کۉرسه‌تدی دېب، اورغوله‌گن.
باشقه بیر تاماندن، بیرلشکن ملتلر تشکیلاتی خوفسیزلیک کېنگشی ییغینیده نطق سۉزله‌گن، لبنان تشقی ایشلر وزیری عبدالله بوحبیب بو واقعه‌لردن کیین دنیا جمعیتی هیچ بیر جای‌ده خوفسیز اېمس دییشگن.
ایتیش کېره‌ک که حاضرگه قدر اوشبو پیجرلر و بیسیم‌لر پارتلشی لبنان مملکتیده، کمیده ۳۷ کیشی جان بېرگن و اوچ مینگ‌دن آرتیق کیشی هم یره‌لنگن.
