افغانستان و اوکراین فوتسال ملی تیرمه جماعه‌لری حساس و مهم بیر اۉیین‌ده بو کیچه کابل وقتی بیلن ساعت ۷:۳۰ دقیقه، بیر بیراوی‌گه قرشی میدان‌گه چیقه‌دیلر.
افغانستان و اوکراین فوتسال ملی تیرمه جماعه‌لری شوندی بیرحالده میدان‌گه چیقماقده دیر که بو ایکی جماعه هم حاضر اۉزبېکستان میزبان‌لیگیده بۉلگن جهان جامی اوچینچی گروپی‌ده، اوچ امتیازلیک دیر و شوباعث ایکی جماعه هم، گروپ‌دن چیقیش اوچون غلبه قازانیشی کېره‌ک.
اوکراین فوتسال ملی تیرمه جماعه‌سیگه نسبتن افغانستان فوتسال ملی تیرمه جماعه‌سی نینگ ایشی انچه قوله‌ی چونکه بو اۉیین مساوی یکونلنگن تقدیرده هم، افغانستان گروپ‌دن چیقه‌دی.
افغانستان فوتسال ملی تیرمه جماعه‌سی دنیا نینگ اینگ کوچلی فوتسال جماعه‌لریدن بیری بۉلمیش آرجنتاین فوتسال جماعه‌سی برابریده کۉرسه‌تگن یخشی اۉیینی باعث، اوکراین‌گه قرشی غلبه قازانیشی اوچون امیدلر کۉپه‌یگن.
ایتیش کېره‌ک که حاضر اوکراین فوتسال جماعه‌سی دنیاده ۱۲ – اۉرین‌ده و افغانستان فوتسال جماعه‌سی اېسه ۳۰ – اۉرین‌ده دیر.
