طالبان سۉزلاوچیسی ذبیح الله مجاهد اۉزی نینگ ایکس صحیفه‌سیده، بو حاکمیت اداره‌لریده بیر نیچه اوزگریش‌لردن خبر بېردی.
طالبان رهبری نینگ ینگی قراری‌گه اساس، تُرکمن‌لردن بۉلمیش جوزجان خوفسیزلیک قومندانی حفیظ الله پهلوان اۉرنیده، ایکینچیلیک، چاروه‌چیلیک و سوغاریش وزیرلیگی نینگ کدرلر بولیم باشلیغی عبدالولی اتقانی جوزجان خوفسیزلیک قومندانی اوله‌راق تعیین‌لنگن.
شونینگدېک طالبان ینگی قراری‌گه اساس، بو حاکمیت نینگ کندوز ولایتیده‌گی حاکمی قوشیمچه بیر قنچه محلی و مرکزی اداره‌لر رسمی‌لر اوزگرتیریلگن.
ایتیش کېره‌ک که طالبان اوچ ییل‌دن بویان، برچه شامل حکومت قوریش‌گه تَن بېرمه‌ی حاکمیت قیلیب کېلماقده.
طالبان حاکمیتی آستیده بۉلگن افغانستان دولتی اداره‌لری لوازملریده، طالبان اعضاسی و کۉپینچه پشتون‌لر تعیین‌لنه‌دی.
