جرمنی، کانادا، استرالیا و هالند تشقی ایشلر وزیرلری بیرگه‌لیکده، طالبان حاکمیتی خاتین-قیزلرگه قرشی بۉلگن یانده‌شوولری سبب محاکمه اېتیلیشینی تکلیف قیلگنلر.
بو تۉرت مملکت تشقی ایشلر وزیرلری تامانیدن نشر اېتیلگن مشترک بیانات‌ده کېلیشیچه، طالبان خاتین-قیزلرگه قرشی تیزیملی تبعیض‌لرنی عملگه آشیرماقده.
شونینگدېک بو مملکتلر تشقی ایشلر وزیرلری، طالبان بو سیاست‌لریده نقطه قۉییش اوچون بو حاکمیت محاکمه اېتیلیشی درکار دېب اورغوله‌گن.
طالبان بیراق بو کبی تنقیدلرنی اساس‌سیز اۉقیب، افغانستان‌گه قرشی پروپاگند توزاتیش سعی‌وحرکتلری دوام اېتماقده دېگن.
طالبان تامانیدن خاتین-قیزلرنی ایشله‌شی و اۉقیشی تقیق‌لنگن بیرحالده، بو حاکمیت سۉزلاوچیسی نینگ اۉرین باسری حمدالله فطرت، افغانستانده عیاللر حقلری سقلنگن دېب ادعا قیلگن.
