طالبان نینگ اعلام قیلیشیچه، آمودریا تیل حوزهسیدن تیل ایشلب چیقاریش ینگی بیر قنچه قودوقلرنی قازیش جریانی باشلنگن.
بو خصوصده نشر اېتیلگن معلوماتلرگه کۉره، جوزجان و سرپل ولایتلریدهگی بو ۱۸ قودوقنی قازیش جریانی «آفچین» ناملی چینلیک کمپنیه آرقهلی باشلنگن.
بو قودوقلر جملهسیدن، ۱۱ قودوق جوزجان ولایتی نینگ «زمردسای» منطقهسیده و قالگن ۷ قودوق اېسه سرپل ولایتی نینگ قشقری و آق دریا منطقهلریده جایلهشگن.
ایتیش کېرهک که حاضر طالبان بیلن بۉلگن کیلیشوو اساسیده، چینلیکلر کونیده مینگلرچه بوشکه تیل سرپل و جوزجان ولایتلریده ایشلب چیقارهدیلر، بیراق بولر قۉلگه کېلگن عاید قنچهسی بو ولایتلر اهالیسی رواجلنیشی اوچون قرهتیلیشی بیللی اېمس.
